Curxondaryo viloyati Denov tumanidagi Tasmasoy mahallasida yashovchi Mamasoli Nurqobilov 69 yoshida Haj safariga boraman, deb firibgarning girdobiga ilindi.
Sho‘rchi tumanidagi Besh yillik mahallasida yashovchi 57 yoshdagi Soli Boybo‘sinov (ism-shariflar o‘zgartirildi) otaxonni Haj safariga yuborishni quyuq va’da qilib, joriy yilning 5 mayidan 5 iyun kunigacha naqd 15 million so‘m pulini o‘zlashtirib ketgan. Bu haqda Mamasoli bobo tuman ichki ishlar bo‘limiga murojaat etgach, Soli Boybo‘sinovning boshqa “xurmacha qiliqlari” ham ma’lum bo‘lib qoldi. U Sho‘rchi tumanidagi Bunyodkor mahallasida yashovchi 31 yoshdagi Go‘zal Jobirovaga shu yil may oyida o‘zini advokatman, deb tanishtirib, sobiq turmush o‘rtog‘ining nomida bo‘lgan uyni “xamirdan qil sug‘urgandek” rasmiylashtirib berishga ishontirgan.
Natijada Denov tumanidagi “Bobodehqon” oziq-ovqat bozori hududida G.Jobirovaning ikki million 300 ming so‘m pulini olib, juftakni rostlagan.
Ayni paytda Soli Boybo‘sinovga nisbatan O‘zbekiston Respublikasi Jinoyat Kodeksining 168-moddasi, 3-qismi “b” bandi bilan jinoyat ishi qo‘zg‘atilib, surishtiruv ishlari olib borilmoqda.
“Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
AQSHning G‘azodagi siyosatidan norozi Davlat departamenti rasmiysi iste’foga chiqdi
Mariya Zaxarova ukrainaliklarni Amerika hindulariga o‘xshatdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
Germaniyada maktab o‘quvchilari ommaviy ravishda islom dinini qabul qilmoqda
Zoir Mirzayev “Telefonsiz maktab”ga 300 mln so‘m mukofot berdi
Ispaniya va Gretsiya Kiyevga Patriot tizimlarini yetkazib berishdan bosh tortdi
Ruslar Abrams tanklarining zaif tomonini topishdi