Farg‘ona viloyati Beshariq tumanida istiqomat qiluvchi ayol g‘arazli maqsadda voyaga yetmagan qizini (14 yosh) jinsiy aloqaga kirishishga majburlashda gumon qilinmoqda, deya xabar qildi “Gazeta.uz”ning huquqni muhofaza qilish organlaridagi axborot manbasi.
Avgustda ayol uch erkakka o‘z qizi bilan jinsiy aloqaga kirishishlari uchun vositachilik qilgan. O‘tkazilgan sud-tibbiy ekspertizasi xulosasiga ko‘ra, qizning 17−18 haftalik homilasi sun’iy yo‘l bilan tushirilgan.
Sud-psixiatriya ekspertiza xulosalarida qizning onasi va uch erkak o‘z harakatlarini tushunib yetgani va o‘z harakatlarini boshqara olganligi, tibbiy yo‘sindagi majburlov choralarini qo‘llashga muhtoj emasligi ko‘rsatilgan.
Shuningdek, Toshkent shahar Sog‘liqni saqlash bosh boshqarmasi ruhiy kasalliklar shifoxonasining sud-kompleks psixologik-psixiatriya ekspertizasining xulosasiga ko‘ra, voyaga yetmagan qiz aqli zaiflikning yengil darajasi deb nomlangan tug‘ma ruhiy kasallik bilan kasallanganligi, u o‘ziga nisbatan qilingan jinsiy harakatlarning mohiyatini to‘liq tushunmaganligi ko‘rsatilgan.
To‘rt gumondorga nisbatan jinoiy ish qo‘zg‘atildi. Tergov harakatlari yakunlanib, ish jinoyat ishlari bo‘yicha Farg‘ona viloyat sudiga taqdim etilgan.
Tahririyatdagi ma’lumotlarga ko‘ra, barcha mas’ul shaxslarga nisbatan ham xizmat tekshiruvi boshlangan.
O‘zbekiston Xotin-qizlar qo‘mitasi raisi Tanzila Norboyeva mazkur holat yuzasidan izoh berar ekan, jamoatchilikni bu kabi holatlar haqida ma’lumotga ega bo‘lganda tegishli organlarga murojaat qilishga chaqirdi.
U yil oxirida Xotin-qizlar qo‘mitasining yagona ishonch raqami ishga tushishi, u orqali ayollar va qizlar o‘zlarini qiziqtirgan barcha savollarga javob olishlari, zarurat tug‘ilganida esa yaqin markazlar ko‘magidan foydalanishlari mumkinligini ta’kidlab o‘tdi.
Tanzila Norboyeva profilaktika inspektorlari, fuqarolarning o‘zini o‘zi boshqarish organlari, maktablar va Yoshlar ittifoqi o‘rtasida bu kabi holatlarning oldini olish bo‘yicha samarali aloqa yo‘qligini ham tan oldi.
“Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Mariya Zaxarova ukrainaliklarni Amerika hindulariga o‘xshatdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
Amerikalik olimlar barcha uchun birdek foydali jismoniy faollik turini aniqladi
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
Germaniyada maktab o‘quvchilari ommaviy ravishda islom dinini qabul qilmoqda
AQSHning G‘azodagi siyosatidan norozi Davlat departamenti rasmiysi iste’foga chiqdi