Odil Ahmedovning «Shanxay SIPG» klubi mavsumdagi ilk mag‘lubiyatini qabul qilib oldi

  • 03 aprel 2017, 22:23
  • 3 612
  • Sport
  • O‘zbekiston milliy terma jamoasi sardori to‘p suradigan «Shanxay SIPG» Xitoy Super ligasining 3-turida mag‘lub bo‘ldi, deb yozadi Daryo.uz.
    Odil Ahmedovning «Shanxay SIPG» klubi mavsumdagi ilk mag‘lubiyatini qabul qilib oldi
    Mamlakatning amaldagi chempioni bilan o‘yin uchun Guanjouga tashrif buyurgan shanxayliklar 2:3 hisobida imkoniyatni boy berdi. Odil Ahmedov mazkur bellashuv qaydnomasiga kiritilmadi.

    Har ikki jamoaning urilgan gollarida legioner futbolchilarning xizmati mavjud. Mezbonlardan Gulart birinchi golga pas berdi va uchinchi golni urdi. Ikkinchi gol Alan hisobiga yozildi. Mehmonlardan esa Xalk 1 ta gol urdi va 1 ta golli pas berdi. Elkesenda 1 ta gol, Oskarda 1 ta golli pas bor.

    Egor Krimes Xitoy chempionatining 3-turida ham qaydnomaga kirmadi. Uning jamoasi jahonning eng serdaromad futbolchisi Karlos Teves to‘p suradigan «Shanxay Shenxua»ni taslim qildi. Yaqindagina uy stadioni yonib ketgan shanxayliklar safida Guarin ham, Teves ham hech narsa qila olmadi.

    Va nihoyat Anzur Ismoilov ham Super liganing bu turida murabbiylar e’tiboridan chetda qoldi. Uning jamoadoshlari Feliks Magat murabbiylik qilayotgan «Shandong Luneng» oldida ojiz qoldi. Bellashuvda Papiss Sissening dubli barcha masalani hal qildi.

    Xitoy Super ligasi
    3-tur o‘yinlari
    1 aprel, shanba


    «Guanjou Evergrand» — «Shanxay SIPG» 3:2

    Gollar: Yu Xanchao, 12 (1:0). Alan, 24 (2:0). Elkesen, 53 (2:1). Halk, 70 (2:2). Rikardo Gulart, 80-pen (3:2).

    «Beydzing Guoan» — «Shanxay Shenxua» 2:1

    Gollar: Burak Yilmaz, 37 (1:0). Sao Yunding, 40 (1:1). Burak Yilmaz, 87 (2:1).

    «Chanchun Yatay» — «Shandong Luneng» 0:2

    Gollar: Papiss Sisse, 59 (0:1). Papiss Sisse, 81 (0:2).

    » » Odil Ahmedovning «Shanxay SIPG» klubi mavsumdagi ilk mag‘lubiyatini qabul qilib oldi