“Uff.uz” saytida braziliyalik afsonaviy futbolchi, bir paytlar Toshkentning “Bunyodkor” klubida to‘p surib ketgan Rivaldoning o‘zbekistonliklar haqida bildirgan fikrlari e’lon qilindi.
Aytilishicha, suhbatni portugaliyalik jurnalistlar tomonidan tashkil etilgan, lekin, unda Rivaldo 2008-2010 yilgi faoliyatiga ham to‘xtalgan.
«Men Afina shahrida AYEK klubi sha’nini himoya qilib yurgan kezlarim... Kutilmaganda, O‘rta Osiyodan bir taklif kelib tushdi. Ungacha menda Turkiyadan, Rossiya va BAA chempionatlaridan bir qator katta va kichik takliflar ham bor edi. Men ularni o‘rganayotgandim.
Negadir, O‘zbekistondan kelgan taklif yuragimni jizzillatdi. To‘g‘ri, menga yaxshi pul va’da berishdi. Ammo, bu yerda gap pulda ham emasdi. Menga avvallari umuman bo‘lmagan yurtda to‘p surish yoqib qoldi va uni chaqiruv deb qabul qildim. Quyoshli O‘zbekistonga, mehmondo‘st Toshkentga borgach, qarorim to‘g‘ri bo‘lganiga iqror bo‘ldim.
Toshkent va umuman O‘zbekiston — bu alohida mavzu hisoblanadi. Uni ikki og‘iz gaplar bilan to‘liqligicha ifodalab berish qiyin. Men bu yurtda ko‘plab do‘stlar orttirdim, futbolchilik faoliyatimni ham ko‘ngildagidek o‘tkaza oldim.
O‘zbek taomlarini gapirmasangiz ham bo‘ladi. O‘zbeklar ham xuddi turklar kabi go‘shtni ko‘p iste’mol qilishadi. Lekin, ularning palovini boshqa joyda uchratmaysiz. Uning ta’mi haliyam og‘zimda qolgan. Har bir viloyati o‘ziga yarasha palov qiladi va mazasi ham bir-biridan qolishmaydi.
Men to‘p surgan “Bunyodkor” klubi yosh bo‘lishiga qaramasdan maqsadlari oliy edi. Osiyoda ham o‘z o‘rniga ega bo‘layotgandi. Afsuski, hozir klubdagi vaziyat bilan tanish emasman.
Yillar o‘tib, faoliyatimga nazar tashlaydigan bo‘lsam, shubhasiz O‘zbekistonda o‘tgan yillarimni tabassum bilan eslab yuraman. Qo‘lini ko‘ksiga qo‘yib so‘rashadigan xalqini esa, unutmayman», - deyiladi Rivaldoning Portugaliya matbuotiga bergan katta intervyusining bir bo‘lagida. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Rossiya dunyodagi birinchi vodorod yoqilg‘ili avtomobilni taqdim etdi
Vladimir Putin «Krokus»da sodir etilgan terakt uchun o‘ch olishga chaqirdi
Toshkentda 02 kodli avtoraqamlar taxminan qachon paydo bo‘lishi aytildi
Amerikalik olimlar barcha uchun birdek foydali jismoniy faollik turini aniqladi
Crocus teraktida ayblanayotgan tojikistonlik Dalerjon Mirzoyevning ota-onasi o‘g‘li haqida gapirdi
Velosipedda sayr qilish uchun 3 sabab: yoshartiradi, ozdiradi va umrni uzaytiradi
Zoir Mirzayev “Telefonsiz maktab”ga 300 mln so‘m mukofot berdi
“Tolibon” Afg‘onistonning Xost viloyatida besh nafar fuqaroni qamchi bilan jazoladi
