Boris Nemsov otib o‘ldirilgan Katta Moskvoresk ko‘prigi yaqinida Moskva daryosi tubidan ikkita to‘pponcha topildi, deb ushbu jinoyat yuzasidan olib borilayotgan tergov ishidan xabardor bo‘lgan manbaga iqtibos keltirgan holda “Interfaks” axborot agentligi xabar berdi.
“Ballistik tekshirish birinchi to‘pponcha qotillikka aloqador emasligi aniqlandi, ikkinchi to‘pponcha bo‘yicha hozircha ekspert xulosasi tayyor emas”, deb aytdi manba.
Yaroslav viloyati dumasi deputati, “RPR-Parnas” raisdoshi Boris Nemsov 28 fevralda Moskva markazidagi Moskvoresk ko‘prigi yaqinida o‘ldirib ketilgan. Siyosatchiga yaqin masofadan to‘pponchadan olti marta o‘q uzilgan, ulardan to‘rttasi nishonga tekkan. Uning hamrohi ukrainalik Anna Duriskayaga hech narsa qilmagan.
8 mart kuni Moskvaning Basman tumani sudi Nemsovning qotilligida gumon qilingan besh kishi – Zaur Dadaev, Anzor Gubashev, Shagit Gubashev, Tamerlan Eskerxanov va Hamzat Baxaevni hibsga olishga sanksiya bergan. Aka-uka Gubashevlar va Dadaev Ingushetiyada 7 mart kuni, Eskerxanov va Baxaev 8 mart kuniga o‘tar kechasi Moskva viloyatining Odinsovo tumanida qo‘la olingan. Shuningdek, 7 mart kuni Grozniyda Lev Yashin ko‘chasida Dadaev bilan birga Nemsovning qotilligi rejasini tuzganlikda gumon qilingan Beslan Shavanov huquqni muhofaza qilish muassasalari tomonidan qurshab olingandan keyin, ularga qarata granata otmoqchi bo‘lganda o‘zi portlab ketgan.
Manba: www.kun.uz “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Germaniyada maktab o‘quvchilari ommaviy ravishda islom dinini qabul qilmoqda
Ortiqcha vaznli insonlar uchun sog‘lom ovqatlanishning beshta muhim qoidasi
Sariqmi yoki yashil: qaysi turdagi banan foydaliroq?
Zoir Mirzayev “Telefonsiz maktab”ga 300 mln so‘m mukofot berdi
Rossiya dunyodagi birinchi vodorod yoqilg‘ili avtomobilni taqdim etdi