Anqarada 9 iyul kuni Rajab Toyip Erdo‘g‘oning mamlakat prezidenti sifatida inauguratsiyasi bo‘lib o‘tdi. Bu uning ikkinchi prezidentlik muddatidir, biroq cheklanmagan xokimiyatga ega bo‘lgan birinchi mandatidir: shu kunning o‘zida Turkiyada bir yil muqaddam referendum orqali Konstitutsiyaga kiritilgan o‘zgartishlar kuchga kirdi.
Erdo‘g‘onning opponentlari bayonot berib, yangi siyosiy tartib “yakka xukmronlik” tizimini yaratishini aytishmoqda. Biroq Erdo‘g‘onning o‘zi 80-million aholiga ega mamlakatiga “yangi davr” va’da qilmoqda. Rajab Toyib Erdo‘g‘on Turkiya siyosiy sahnasida 15 yildan beri yetakchilik qilib keladi — avvaliga bosh vazir, keyinroq prezident bo‘ldi.
U Anqarada mamlakat parlamentida 9 iyul kuni qasamyod qabul qilar ekan: «tarix va buyuk turk millati oldida o‘z sha’nim va qadriyatim bilan menga berilgan vakolatdan foydalangan holda Turkiya Respublikasi shuhrati va sha’nini himoya qilishga qasamyod qilaman» dedi.
64-yoshli Erdo‘g‘on 24 iyun kuni prezidentlikka qayta saylandi, rasmiy ma’lumotlarga ko‘ra u, 52,5 foiz ovoz oldi. Xalqaro kuzatuvchilar bayonot berib, prezidentlik saylovlarida barcha nomzodlar uchun “teng sharoit yaratilmagani”ni aytishdi.
9 iyul kuni bir vaqtining o‘zida Erdo‘g‘onning inauguratsiyasi bilan bir qatorda mamlakatda Konstitutsiyaga kiritilgan o‘zgartish kuchga kirdi. Referendumda ishtirok etgan fuqorolarning ko‘pchiligi tomonidan ma’qullangan o‘zgartishga ko‘ra Turkiya parlament respublikasidan prezidentlik respublikasiga o‘tdi: bosh vazir lavozimi bekor qilindi, parlament nazoratning ko‘p qirralaridan mahrum bo‘ldi, prezident esa katta vakolatlarga ega bo‘ldi.
Anqaradagi tadbirga 22 ta davlat rahbari va dunyo mamlakatlarining 28ta yuqori lavozimli hukumat vakili ishtirok etishi rejalashtirgan edi. «Turkiya yangi davvrga yo‘l oldi», -dedi Erdo‘g‘on 8 iyul kuni o‘zining inauguratsiyasi arafasida.
Manba: Tnews.uz “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Qaysi kundalik odatlar immunitet pasayishiga olib kelishini bilasizmi?
Sariqmi yoki yashil: qaysi turdagi banan foydaliroq?
Piyoda yurish va bog‘dorchilik bilan shug‘ullanish depressiyaga chalinishni 23 foizga kamaytiradi
AQSHning G‘azodagi siyosatidan norozi Davlat departamenti rasmiysi iste’foga chiqdi
Ortiqcha vaznli insonlar uchun sog‘lom ovqatlanishning beshta muhim qoidasi
Toshkentda 02 kodli avtoraqamlar taxminan qachon paydo bo‘lishi aytildi
Germaniyada maktab o‘quvchilari ommaviy ravishda islom dinini qabul qilmoqda
Lukashenko G‘arbga tahdid bilan chiqdi