21 октябрь куни АҚШнинг йирик Dyn номли сервис-провайдерига уюштирилган кучли DDoS-ҳужум оқибатида мамлакатдаги кўплаб интернет-ресурслар ишламай қолди. Terabayt.uz сайтининг маълум қилишича, киберҳужум натижасида Twitter ижтимоий тармоғи, Spotify веб-плеери, Pinterest фотохостинги, Netflix онлайн кинотеатри, Amazon интернет-дўкони ва The New York Times газетасининг сайтининг ишида хатолик юз берган. Шубҳасиз, юқорида номи келтирилган сервислар АҚШдаги энг кўп ташриф буюриладиган ресурслар тоифасига киради.
Dyn Managed DNS инфратузилмасига уюштирилган киберҳужум бир неча соат давом этган. Гарчи сервис-провайдер бир қатор мижозлардан келган билдиргилар асосида тармоқ ишидаги носозликларни бартараф қилишга киришган бўлса-да, кибер ҳужум кўлами жуда катта бўлгани сабабидан юзлаб сайтларнинг фаолияти бузилган. Ҳозирда сервис ишидаги барча хатоликлар тузатилган, аммо хакерлар яна ҳужум уюштириши мумкинлигини ҳеч ким истисно қилмаяпти. Ушбу ҳужум натижасида, асосан, АҚШнинг шарқида жойлашган штатларда интернет фаолиятига катта зарар етказилган.
Бундан аввалроқ қуввати 1 Тбит/сония бўлган DdoS ҳужум туфайли Франциянинг OVH хостинг-провайдерининг ишида ҳам йирик носозликлар кузатилган эди. “Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Зоир Мирзаев “Телефонсиз мактаб”га 300 млн сўм мукофот берди
Россия дунёдаги биринчи водород ёқилғили автомобилни тақдим этди
АҚШнинг Ғазодаги сиёсатидан норози Давлат департаменти расмийси истеъфога чиқди
Қайси кундалик одатлар иммунитет пасайишига олиб келишини биласизми?
Германияда мактаб ўқувчилари оммавий равишда ислом динини қабул қилмоқда
Пиёда юриш ва боғдорчилик билан шуғулланиш депрессияга чалинишни 23 фоизга камайтиради