Тошкент вилояти Зангиота туманида жойлашган «Абу Сахий» МЧЖ савдо марказида ташкилий ўзгаришлар юз бериши кутилмоқда. Бу ҳақда Kun.uz хабар берди.
Маълум қилинишича, «бозор маъмуриятида бир мунча ўзгаришлардан сўнг (раҳбарият алмашинувига ишора қилмоқда – таҳр.) унинг номи ҳам янгиланиши кутилмоқда». Kun.uz мухбири билан суҳбатлашган мутасадди вакилнинг айтишича, «жамиятнинг янги номдаги ҳужжатлари тегишли идоралардан рўйхатдан ўтиши билан оммага эълон қилинади».
Аммо, «Абу Сахий» МЧЖ раҳбарияти ушбу хабарга аниқ муносабат билдиришдан бош тортиб, «ўзгариш кутилмаётганини» таъкидлади. Шунингдек, «Тошбозорсавдо» уюшмаси вакили ҳам ўзгаришларга аниқ изоҳ бермади.
«Абу Сахий» уюшма аъзолигига кирмайди, бундан ташқари у хусусий мулк ҳисобланади», дейди мутасадди ходим.
Айни пайтда, «Абу Сахий» номи савдо биноси ҳамда асосий дарвоза устунидан олиб ташланган бўлиб, унинг ўрнига «Тошкент Савдо Маркази» ёзуви ўрнатилган.
Ижтимоий тармоқ фойдаланувчилари эса савдо маркази «Буюк Ипак йўли» ёки «Тошкент Ипак йўли» номига ўзгариши ҳақида ёзмоқда.
Илк марта ушбу бозор билан боғлиқ хабарлар 2016 йилнинг сентябрь ойида тарқалганди. Ўшанда «даромадларни солиқдан яшириш» аломатларини аниқлаш мақсадида бозор фаолияти текширилгани айтилганди. 2017 йил февраль ойида эса бир гуруҳ тадбиркорлар бозор қошида фаолият олиб борадиган терминал ўз ишини тўхтатиб қўйгани ҳақида хабарларни тарқатган.
“Замин” янгиликларини “Одноклассники”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Месси “даҳшатли” кўрсаткич қайд этди (видео)
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Россияда америкалик аскар ўғриликда айбланиб қўлга олинди
Освенцимда минглаб яҳудийлар «Тириклар марши» акциясини ўтказди
Йоав Галант тез орада Рафаҳга ҳужум бўлишига ишора қилди
Туркиянинг кутилмаган қадами: Исроил билан савдо тўхтатилгани нимани англатади?
Бухорода бировнинг номига яширинча онлайн кредит олган 23 ёшли қиз ушланди
Исроил расмийси: “Исроил урушни тўхтатмайди”