Forbes хабарига кўра, блогер Жейк Пол ва WBA чемпиони Жервонта Девис ўртасидаги, 14 ноябр куни Майамида ўтказилиши режалаштирилган жанг бекор қилинди. Бу қарор Девиснинг собиқ қиз дўсти уни калтаклаш, оғир тан жароҳатлари етказиш, ноқонуний равишда озодликдан маҳрум қилиш ва одам ўғирлаш каби айбловлар билан судга мурожаат қилганидан сўнг қабул қилинди.
Мазкур жанг Netflix платформасида асосий воқеа сифатида эълон қилинган эди. Унда спортчилар ўртасидаги вазн фарқи алоҳида қизиқиш уйғотган: Девис 65 килограммгача бўлган тоифада, Пол эса 90 килограммгача бўлган тоифада жанг қилади.
Эслатиб ўтамиз, Жейк Пол 2021 йилда Most Valuable Promotions (MVP) номли ўзининг промоутерлик компаниясини ташкил қилган. 2023 йилда у профессионал боксчи Томми Фьюрига қарши жанг ўтказган, аммо мағлуб бўлган эди.
Пол, шунингдек, Майк Тайсон устидан қозонган ғалабаси билан ҳам танилган.
