Испания чемпионатининг 17-турида “Атлетик” ўз майдонида формага кирган “Эспаньол”ни қабул қилди. Учрашув бошида Андони Горосабель рақиб майдонининг ярмида Леандро Кабрерадан тўпни олиб қўйди, жарима майдонига ўнгроқдан ёриб кириб узоқ пастки бурчакка кучли зарба берди, бироқ дарвозабон оёғи билан қайтарди.
Орадан кўп ўтмай Иньиго Руис жарима майдони олдида марказда қулай қайтган тўпни эгаллаб, 19 метрдан чап пастки бурчакка йўллади, дарвозабон тўпга етолмасди, аммо зарба устун ёнидан ўтиб кетди. 38-дақиқада Иньяки Уильямс жарима майдонига чапдан ёриб кириб, марказга Алекс Беренгерга пас ташлади.
Беренгер 14 метрдан аниқ зарба берди, лекин дарвозабон йиқилган ҳолда қайтарди. Эпизод давомида тўп дарвоза майдони чизиғи томон қайтди ва Беренгер Омар эл-Хилалидан олдинроқ етиб бориб, яқин масофадан дарвозабонни дог‘да қолдирди — 1:0.
Кўп ўтмай “Эспаньол” чап қанотда жарима зарбасини ишлаб олди: Эду Эспозитонинг узатмасидан кейин мезбонлар тўпни марказга чиқариб юборди, у ерда Карлос Ромеро бир тегинишда 19 метрдан чап пастки бурчакка аниқ зарба йўллади — 1:1. Иккинчи бўлим бошида Тайрис Долан ҳужумнинг ўнг қанотида тўпни қабул қилиб, Адам Бойро билан курашда устун келди ва дарвоза майдони марказига аъло даражада паст узатма берди.
Пере Милья дарвозабондан олдинроқ етиб бориб, яқин масофадан тўпни тўсин остига киритди — 1:2. Кейинроқ Микель Хаурехисар чап қанотдан марказга узатма берди, дарвоза майдони чизиғи яқинида Горка Гурусета ҳимоячидан бир лаҳза олдинроқ чиқиб, қулай вазиятдан бош билан бироз юқорига йўллади.
Яна бир эпизодда Роберто Наварро чап қанотдан ҳужумни тезлаштириб, дарвоза майдони марказига оширди, дарвозабон жуда ишончсиз ўйнаб тўпни Унаи Гомесга тушириб берди, бироқ у 10 метрдан бўш дарвозадан анча юқорига тепиб юборди. Кетма-кет бешинчи ғалаба “Эспаньол”га турнир жадвалида бешинчи ўринда мустаҳкамланиб олиш имконини берди.
“Атлетик” эса еттинчи поғонани рақиблари билан бўлишиб турибди. Ўйин натижаси: “Атлетик” — “Эспаньол” 1:2 (1:0).
Голлар: Алекс Беренгер (38) — Карлос Ромеро (44), Пере Милья (52). “Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг Мавзуга оид янгиликлар
Маълумот
Меҳмон гуруҳидаги фойдаланувчилар ушбу мақолага изоҳ қолдира олмайди.
Меҳмон гуруҳидаги фойдаланувчилар ушбу мақолага изоҳ қолдира олмайди.
