2025-йил 30-ноябр куни Англия Премер-лигасининг 13-турида "Манчестер Юнайтед" сафарда "Кристал Пелас" устидан 2:1 ҳисобида иродали ғалабани қўлга киритди. Руйбен Аморим жамоаси иккинчи бўлимда ўйиннинг боришини ўз фойдасига ўзгартира олди.
Учрашув эҳтиёткорлик билан бошланди, аммо мезбонлар тезроқ мослашиб, ўйинга юқори суръат киритишди. "Кристал Пелас" қанотлар орқали фаол ҳужумлар уюштириб, Матета ва Сарр орқали босимни оширди.
36-дақиқада мезбонлар пеналти эвазига ҳисобни очишди, Матета иккинчи уринишда гол киритишга муваффақ бўлди. Ҳисобда ортда қолган "Юнайтед" ўз ишончини тиклаб, ўйинни назорат қилишни бошлаб юборди.
Руйбен Аморим жамоаси Далот ва Фернандес орқали мезбонларнинг жарима майдонига доимий хавф солиб турди. 54-дақиқада меҳмонлар ҳисобни тенглаштирди.
Жарима зарбасидан сўнг тўпни биринчи бўлиб қабул қилган Зиркзее яқин бурчакка аниқ зарба йўллади. Кейинчалик "қизил иблислар" ўз устунлигини давом эттирган ҳолда фаол ҳужум қилди.
Меҳмонлар Маунт орқали босимни кучайтиришди. 63-дақиқада инглиз футболчиси стандарт вазиятдан сўнг паст зарба билан дарвозани ишғол қилиб, чиройли гол урди.
"Кристал Пелас" ҳисобни тенглаштиришга уринди, лекин меҳмонларнинг ҳимояси ишончли ҳаракат қилди. Митчелл ва Нкетиа бир неча имкониятга эга бўлишди, аммо зарбалари аниқ чиқмаган.
"Юнайтед" ўйиннинг якунида вақтни ўтказиш тактикасиини қўллаб, мезбонларга ҳал қилувчи ҳужум уюштиришга имконият бермади.
Меҳмон гуруҳидаги фойдаланувчилар ушбу мақолага изоҳ қолдира олмайди.
