«Антальяспор» ҳимоячиси Георгий Джикия атрофидаги миш-мишларга футболчининг агенти Владимир Кузьмичёв муносабат билдирди. Бу ҳақда euro-football.ru хабар беради.
Агентнинг айтишича, Джикиянинг аҳволи яхши ва клуб мураббийлар штаби унга ишонмоқда. Сўнгги ўйинларда у майдонга тушмагани сабаби микрояроҳат бўлгани, ҳозир эса тикланиб улгургани таъкидланди. Кузьмичёв фикрича, россиялик ҳимоячи кейинги учрашувда яна ўйнаши мумкин.
Аввалроқ турк матбуотида «Спартак»нинг собиқ сардори билан «Антальяспор» хайрлашишни истаётгани ҳақида хабарлар тарқалган эди.
Джикия жорий мавсум Туркия чемпионатида 12 та ўйинда қатнашиб, 2 та гол урди. Унинг «Антальяспор» билан амалдаги шартномаси 2027 йилнинг ўрталаригача мўлжалланган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
