«Antalyaspor» himoyachisi Georgiy Djikiya atrofidagi mish-mishlarga futbolchining agenti Vladimir Kuzmichyov munosabat bildirdi. Bu haqda euro-football.ru xabar beradi.
Agentning aytishicha, Djikiyaning ahvoli yaxshi va klub murabbiylar shtabi unga ishonmoqda. So‘nggi o‘yinlarda u maydonga tushmagani sababi mikrojarohat bo‘lgani, hozir esa tiklanib ulgurgani ta’kidlandi. Kuzmichyov fikricha, rossiyalik himoyachi keyingi uchrashuvda yana o‘ynashi mumkin.
Avvalroq turk matbuotida «Spartak»ning sobiq sardori bilan «Antalyaspor» xayrlashishni istayotgani haqida xabarlar tarqalgan edi.
Djikiya joriy mavsum Turkiya chempionatida 12 ta o‘yinda qatnashib, 2 ta gol urdi. Uning «Antalyaspor» bilan amaldagi shartnomasi 2027 yilning o‘rtalarigacha mo‘ljallangan.
“Zamin”ni Telegramʻda oʻqing!
