"Реал Мадрид" ва Бразилия терма жамоаси ҳимоячиси Эдер Милитао соғлиғи билан боғлиқ жиддий муаммога дуч келди. Футболчининг аввалги жароҳатидан сўнг ўтказилган жарроҳлик амалиёти ўрнидаги чандиқ очилиб кетгани маълум бўлди. Шу сабабли бразилиялик ҳимоячи яқин вақт ичида такрорий операция қилиниши зарурлиги хабар қилинмоқда.
Агар Милитао яна жарроҳлик столига ётадиган бўлса, у Бразилия терма жамоаси сафида бўлиб ўтадиган жаҳон чемпионати саралаш ўйинларини ўтказиб юборади. Бу ҳолат футболчи учун мавсумнинг энг муҳим палласида катта йўқотиш бўлиши кутилмоқда.
Мундиалда иштирок этишни мақсад қилган кўплаб футболчилар учун айни дамда мавсумнинг энг хавфли даври давом этмоқда. Бундай оғир жароҳатлар ҳақидаги хабарлар фонида бошқа ўйинчилар ҳам майдонда ўзларини эҳтиёт қилиб ҳаракат қилишлари табиий ҳолатга айланган.
“Zamin”ни Telegram'да ўқинг!
