Ой май ойида олтита ёрқин юлдузни тўсиб қўяди
2026 йилнинг май ойида Ой олти марта ёрқин юлдузларни тўсиб қўйиши кутилмоқда. Ушбу ноёб астрономик ҳодисалар Жанубий Америка, Африка ва Австралия каби турли қитъаларда кузатилади. Ой давомида Антарес, Регул ва бошқа юлдузларнинг тутилишини оддий кўз ёки дурбин ёрдамида кўриш имконияти туғилади.
2026 йилнинг май ойида Ой олти марта ёрқин юлдузлар ва юлдуз туркумларини тўсиб қўяди. Москва планетарийси матбуот хизмати хабарига кўра, ушбу астрономик ҳодисалар турли қитъаларда кузатилади. Бу ҳақда Ixbt.com хабар беради.
Биринчи ҳодиса 4 май куни содир бўлади: Ер йўлдоши Антарес юлдузини ёпади. Ушбу жараённи Жанубий Америка ва Африканинг жанубий қисми аҳолиси кўриши мумкин.
6-7 май кунлари эса Ой Мерган юлдуз туркумидаги Сигма юлдузини тўсиб қўяди, бироқ бу фақат Антарктида ҳудудида кўринади.
17 май куни Ой Плеяда юлдуз туркумини ёпади, аммо Қуёшга яқинлиги сабабли буни Ердан туриб кузатиш имконсиз бўлади. 18 майда Шарқий Африка мамлакатларида Буқа юлдуз туркумидаги Бета юлдузининг тутилиши кузатилади.
23 май куни эса Ой Регул юлдузини тўсиб қўяди ва бу ҳодиса Тинч океани акваториясида кўринади.
Ойлик астрономик шоу 31 май куни якунланади. Шу куни тўлин ой яна Антарес юлдузини тўсиб қўяди.
Ушбу ҳодисани Жанубий Америка ва Австралия аҳолиси кузатиши мумкин бўлади. Астрономларнинг таъкидлашича, бундай ҳодисаларни оддий кўз билан ёки дурбин ёрдамида кўриш мумкин.
Изоҳлар 0
…