"Барселона" клубининг собиқ ҳужумчиси Ансу Фати футбол афсонаси Лионель Месси билан бирга тўп суриш ва машғулот ўтказиш жараёнлари ҳақида ўз хотиралари билан ўртоқлашди. Ҳозирда "Монако" сафида ижарада ҳаракат қилаётган иқтидорли вингер бу тажрибани ҳайратланарли деб ҳисоблайди. Бу ҳақда Goal.com хабар беради.
Яқинда эълон қилинган ҳужжатли фильмда Фати Мессига қарши майдонга тушиш ва у билан бир жамоада бўлишни «мутлақо ақлдан озиш» деб таърифлади. Унинг сўзларига кўра, аргентиналик юлдузнинг маҳорати машғулотларда ҳам барчани ҳайратга солган.
Шунингдек, Ансу Фати ўз фаолияти давомида бирга ўйнаган ёки тўқнаш келган энг кучли футболчилар рўйхатини ҳам тузиб чиқди. У ушбу рўйхатда Ламин Ямал ва Килиан Мбаппе каби юлдузларнинг алоҳида қобилиятларини эътироф этди.
Фати "Барселона" академияси тарбияланувчиси ҳисобланади ва ўз вақтида Мессининг ўнинчи рақамли либосини мерос қилиб олган эди. Ҳужумчи ҳозирда Франция чемпионатида ўзининг аввалги спорт формасини тиклашга ҳаракат қилмоқда.
“Zamin”ни Telegram'да ўқинг! 
