Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У бир пайтлар Буэнос-Айреснинг «Ривер Плейт» жамоасида тўп суриб, Аргентина футболининг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Бу сафар Трезеге майдондаги роль учун эмас, клуб бошқарувида ишлаш мақсадида «Ривер Плейт»га қўшилмоқда. Унинг лавозими аниқ очиқланмаган бўлса-да, клуб собиқ футболчини бутун раҳбарият иштирокидаги тақдимот маросимида жамоатчиликка таништирди.
Маросимда Трезегенинг стратегик масалалар билан шуғулланиши ва «Ривер Плейт»ни институционал даражада вакиллик қилиши айтилди. Эслатиб ўтамиз, француз футболчи 2015 йилда фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
