«Антропик» компанияси қиймати 1 триллион долларга етди
«Антропик» компаниясининг қиймати 1 триллион долларга етди, бу уни сунъий интеллект соҳасидаги асосий рақобатчиси OpenAIдан олиб кетди. Бусинесс Инсидер маълумотларига кўра, Anthropicнинг акциялари ҳозирча очиқ савдога чиқарилмаган ва улар фақат компаниянинг ходимлари ҳамда инвесторлари қўлида. Компаниянинг қиймати сўнгги икки ойда кескин ўсди, бу эса давлат билан тузилган шартномалар ва Claude Мйтҳос лойиҳасининг ёпиқ тақдимоти билан боғланмоқда.
Сунъий интеллект соҳасида фаолият юритувчи Anthropic компанияси иккиламчи бозорда 1 триллион доллар миқдорида баҳоланди. Бусинесс Инсидер нашри берган маълумотга кўра, Claude чатботини яратган ушбу стартап қиймати бўйича ўзининг асосий рақобатчиси OpenAI компаниясини ортда қолдирди.
Ҳозирда OpenAI компаниясининг бозор қиймати 880 миллиард долларга тенг деб ҳисобланмоқда. Anthropic акциялари ҳозирча очиқ савдога чиқарилмаган бўлиб, улушлар фақат компаниянинг амалдаги ва собиқ ходимлари ҳамда дастлабки инвесторлар қўлида сақланиб қолмоқда.
Компания қийматининг кескин ўсиши сўнгги икки ой ичида кузатилди. Аввалроқ Anthropic 380 миллиард долларга баҳоланган эди.
Экспертлар бундай ўсишни давлат билан тузилган шартномалар ва Claude Мйтҳос лойиҳасининг ёпиқ тақдимоти билан боғламоқда.
Изоҳлар 0
…