Turinning “Yuventus” klubi va Fransiya terma jamoasining sobiq hujumchisi David Trezege Argentinaga yana qaytdi. U bir paytlar Buenos-Ayresning “River Pleyt” jamoasida to‘p surib, Argentina futbolining ikkinchi ligasida chempionlikni ham qo‘lga kiritgan edi. Bu haqda euro-football.ru xabar beradi.
Bu safar Trezege maydondagi rol uchun emas, klub boshqaruvida ishlash maqsadida “River Pleyt”ga qo‘shilmoqda. Uning lavozimi aniq ochiqlanmagan bo‘lsa-da, klub sobiq futbolchini butun rahbariyat ishtirokidagi taqdimot marosimida jamoatchilikka tanishtirdi.
Marosimda Trezegening strategik masalalar bilan shug‘ullanishi va “River Pleyt”ni institutsional darajada vakillik qilishi aytildi. Eslatib o‘tamiz, fransuz futbolchi 2015 yilda faoliyatini yakunlagan.
“Zamin”ni Telegramʻda oʻqing!
