Туриннинг «Ювентус» клуби ва Франция терма жамоасининг собиқ ҳужумчиси Давид Трезеге Аргентинага яна қайтди. У аввалроқ «Ривер Плейт» сафида тўп суриб, клуб билан бирга Аргентинанинг иккинчи дивизионида чемпионликни ҳам қўлга киритган эди. Бу ҳақда euro-football.ru хабар беради.
Эндиликда Трезеге «Ривер Плейт»га футболчи сифатида эмас, балки клуб бошқарув тизимида фаолият олиб бориш учун келмоқда. Унинг аниқ лавозими ҳозирча расман очиқланмаган бўлса-да, клуб уни раҳбарият тўлиқ иштирок этган тақдимот маросими орқали таништирди.
Тақдимот давомида Трезегенинг стратегик масалалар билан шуғулланиши ва «Ривер Плейт»ни институционал даражада вакиллик қилиши маълум қилинди. Эслатиб ўтамиз, француз футболчи 2015 йилда профессионал фаолиятини якунлаган.
“Zamin”ни Telegram'да ўқинг!
