Денвер аэропортида самолёт учиш йўлагидаги одамни уриб кетди
АҚШнинг Денвер халқаро аеропортида Фронтиер Аирлинес авиакомпаниясининг Аирбус A321 самолёти учиш йўлагида кутилмаганда пайдо бўлиб қолган номаълум шахсни уриб юборди. Ушбу ҳодиса лайнер Лос-Анжелесга парвоз қилиш учун ҳаракатланаётган вақтда содир бўлган бўлиб, унинг оқибатида самолёт двигателларидан бирида ёнғин чиққани ҳақида хабар берилди.
АҚШнинг Денвер халқаро аэропортида Frontier Airlines авиакомпаниясига тегишли Airbus A321 самолёти учиш йўлагида бўлган одамни уриб кетди. Ҳодиса самолёт Лос-Анжелесга парвоз қилиш учун ҳаракатланаётган вақтда содир бўлган.
Дастлабки маълумотларга кўра, номаълум шахс кутилмаганда учиш майдонига чиқиб қолган. Ҳозирча унинг нима сабабдан у ерда бўлгани аниқланмаган. Диспетчерлар билан мулоқот ёзувида учувчи: “Биз тўхтаяпмиз. Ҳозиргина кимнидир уриб юбордик”, — дегани эшитилган.
Ҳодисадан сўнг самолёт двигателларидан бирида ёнғин чиққанлиги ҳақида ҳам хабар берилган. Шу сабаб аэропортдаги яқин ҳудудда самолётлар ҳаракати вақтинча тўхтатилган ва ёнғин-қутқарув хизматлари зудлик билан воқеа жойига юборилган.
Йўловчилар хавфсизлик мақсадида автобуслар орқали терминалга эвакуация қилинган. Айни вақтда Frontier Airlines ва маҳаллий полиция ҳодиса бўйича расмий изоҳ бермаган. Тергов ишларини АҚШ Миллий транспорт хавфсизлиги кенгаши олиб бормоқда.
Изоҳлар 0
…