Сеул шаҳрида бўлиб ўтган 62 Baeksang Arts Awards тақдирлаш маросимида жанубий кореялик машҳур актриса Шин Хён Бин билан кутилмаган ҳолат юз берди.
Қизил йўлакдан ўтаётган вақтда актриса узун бинафша рангли либосига ўралиб қолиб, бир неча сония ичида икки марта йиқилиб тушган.
Ижтимоий тармоқларда тарқалган видеоларда у мувозанатни сақлашга урингани, аммо кўйлак узунлиги ҳаракатланишни қийинлаштиргани кўринган.
Мухлислар ва тадбир меҳмонлари актрисага ёрдам бериш учун дарҳол унинг олдига келган.
Айрим ижтимоий тармоқ фойдаланувчилари дастлаб унинг ҳолатини нотўғри талқин қилган бўлса-да, кейинроқ актрисанинг маст бўлмагани аниқланган.
Маълум қилинишича, ноқулай вазиятга фақат либос дизайни ва унинг узун қисми сабаб бўлган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
