Туриннинг «Ювентус» клуби ва Франция терма жамоасининг собиқ ҳужумчиси Давид Трезеге яна Аргентинага келди. У аввалроқ «Ривер Плейт» сафида тўп суриб, клуб билан Аргентинанинг иккинчи лигасида чемпионликни ҳам қўлга киритган эди. Бу ҳақда euro-football.ru хабар беради.
Бу сафар Трезеге майдонга эмас, клубнинг бошқарув тизимига қўшилиш учун қайтди. «Ривер Плейт» уни бутун раҳбарият иштирокида тақдим этди, бироқ собиқ футболчининг аниқ лавозими ҳозирча очиқланмади.
Маълум қилинишича, Трезеге стратегик масалалар билан шуғулланади ҳамда «Ривер Плейт»ни институционал даражада вакиллик қилади. Эслатиб ўтамиз, француз футболчи 2015 йилда фаолиятини якунлаган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
