Грегор Кобел Жейдон Санчони "Боруссия Дортмунд"га қайтариш фикрини қўллаб-қувватлади
Грегор Кобел "Боруссия Дортмунд" жамоасида Жейдон Санчонинг қайтиши ғоясини қўллаб-қувватламоқда. Спорт директори Оле Бук Санчонинг техник қобилияти ва креативлиги жамоага катта таъсир кўрсатганини таъкидлаган. Санчо "Манчестер Юнайтед" билан шартномаси тугаши билан эркин агент бўлиши мумкин, аммо Дортмундга қайтиши учун маошини камайтириши керак.
"Боруссия Дортмунд" спорт директори Оле Бук ва дарвозабон Грегор Кобел Жейдон Санчонинг жамоага қайтиш ғоясини қўллаб-қувватламоқда. Букнинг таъкидлашича, Санчо ўзининг техник қобилияти ва креативлиги билан Дортмундда катта таассурот қолдирган. Бу ҳақда Goal.com хабар беради.
26 ёшли футболчининг "Манчестер Юнайтед" билан шартномаси ёзда якунига етади. Ҳозирда у "Астон Вилла" сафида ижара асосида тўп сурмоқда.
Агар шартнома узайтирилмаса, у эркин агент сифатида жамоасини ўзгартириши мумкин.
Грегор Кобел Санчонинг ўтган мавсумдаги ижараси жамоага ижобий таъсир кўрсатганини айтиб ўтди. Унинг фикрича, гарчи статистик кўрсаткичлар аввалгидек юқори бўлмаса-да, футболчининг майдондаги ҳаракатлари жамоага фойда келтирган.
Санчонинг Дортмундга қайтиши учун у ўзининг йиллик 15 миллион евролик маошини сезиларли даражада камайтиришига тўғри келади. Шунингдек, "Манчестер Юнайтед" шартномани яна бир йилга узайтириш бўйича махсус банддан фойдаланиши мумкин.
Изоҳлар 0
…