Роберто де Дзерби истеъфога чиқарилгач, «Марсель» бош мураббийлик учун янги вариантларни фаол кўриб чиқмоқда. Журналист Себастьен Денининг хабар беришича, француз клуби рўйхатидаги асосий номзодлардан бири — «Ал-Иттиҳод» бош мураббийи Сержиу Консейсау. Бу ҳақда euro-football.ru хабар беради.
Манбага кўра, томонлар ҳали расмий музокараларни бошламаган. Шунга қарамай, «Марсель» раҳбарияти португалиялик мутахассисни узоқ вақтдан бери кузатиб келади ва уни 2024 йилда ҳам жамоага олиб келишни истаган.
Қайд этилишича, Консейсау «Ал-Иттиҳод» билан тузган шартномасида 4,5 млн евро миқдорида тўвон пули банди мавжуд.
Лига 1нинг 21-туридан сўнг «Марсель» 39 очко билан турнир жадвалида тўртинчи ўринда бормоқда.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
