Англия терма жамоаси жаҳон чемпионати старти арафасида яна бир назорат учрашуви бўйича келишувга эришди. The Mirror хабарига кўра, инглизларнинг навбатдаги рақиби Коста-Рика бўлади. Бу ҳақда euro-football.ru хабар беради.
Учрашув 10 июн куни бўлиб ўтади. Аввалроқ Англия 6 июн куни Янги Зеландия билан ҳам ўртоқлик ўйини ўтказиши маълум қилинганди. Ҳар икки баҳс АҚШда, Флорида штатидаги машғулот базаси яқинида ўтказилиши кўзда тутилган, аммо аниқ стадион ҳозирча эълон қилинмаган.
Англия ва Коста-Рика шу пайтгача икки марта тўқнаш келган. 2018 йилда ўртоқлик ўйинида инглизлар Маркус Решфорд ва Денни Уэлбек голлари эвазига 2:0 ҳисобида ғалаба қозонган, ундан тўрт йил олдин эса жаҳон чемпионати гуруҳ босқичида 0:0 натижа қайд этилганди.
17 июн куни Томас Тухел шогирдлари жаҳон чемпионатини Хорватияга қарши ўйин билан бошлайди. Ушбу гуруҳдан, шунингдек, Гана ва Панама ҳам ўрин олган.
“Zamin”ни Telegram'да ўқинг!
