Мисрга оила аъзолари билан ташриф буюрган сайёҳ илон чақиши оқибатида ҳаётдан кўз юмди. Бу ҳақда The Guardian хабар тарқатди.
Маълумотларга кўра, германиялик сайёҳ апрель ойида Ҳургада шаҳрига борган. У меҳмонхонада ташкил этилган илонни сеҳрлаш намойишида иштирок этган. Германия полицияси ушбу шоуда эҳтимол икки дона кобра қўлланганини маълум қилган. Улар томошабинларнинг елкаси ва бўйнига қўйилган.
57 ёшли жабрланувчида заҳар таъсири аломатлари кузатилган, у шифохонага олиб кетилишидан олдин реанимация чоралари кўрилган. Табибларнинг барча ҳаракатларига қарамай, эркакнинг ҳаётини сақлаб қолишнинг иложи бўлмаган.
Унинг шахси ошкор этилмаган, аммо у Унтераллгой ҳудудидан бўлиб, икки яқини билан таътилда бўлган. Германия полицияси ҳамда прокуратураси ушбу ҳолат юзасидан тергов ишларини олиб бормоқда, токсикологик таҳлил натижалари кутилмоқда. Миср расмийлари эса ушбу воқеадан бехабар эканини маълум қилган.
“Zamin”ни Telegram'да ўқинг!
