Хотира ва қадрлаш кунида неча кун дам оламиз?

Ўзбекистонда 9 май — Хотира ва қадрлаш куни муносабати билан ҳафтасига 5 кун фаолият юритадиган ходимлар кетма-кет 3 кун дам олади.

2026 йилда расмий саналарни нишонлаш даврида қўшимча ишланмайдиган кунларни белгилаш ҳамда дам олиш кунларини кўчириш ҳақидаги президент фармонига кўра, жорий йилда 9 май шанба — дам олиш кунига тўғри келгани сабабли ушбу дам олиш куни 11 май, душанбага кўчирилиши белгиланган.

Шу муносабат билан қуйидаги саналарда дам олинади:

 - 9 май, шанба — одатий дам куни;

 - 10 май, якшанба — анъанавий дам олиш куни;

 - 11 май, душанба — Хотира ва қадрлаш куни муносабати билан кўчирилган дам куни.

Яъни ҳафтасига 5 кун ишлайдиган ходимлар узлуксиз 3 кун, ҳафтасига 6 кун меҳнат қиладиганлар эса кетма-кет 2 кун ҳордиқ чиқаради.

Меҳнат кодексида ҳам дам олиш куни ишланмайдиган байрам санасига тўғри келган ҳолатда, дам куни байрамдан кейинги иш кунига кўчирилиши белгилаб қўйилган.