А Сериянинг 25-турида «Милан» сафарда «Пиза»га қарши ўйинда анча қийналди, бироқ якунда уч очкони олиб кетишга муваффақ бўлди. Бу ҳақда euro-football.ru хабар беради.
Учрашувнинг дастлабки қисмида мезбонлар ҳужумда фаоллик кўрсатди: Филип Стоилкович жарима майдони четидан зарба берди, дарвозабон эса вазиятни бартараф этди. 39-дақиқада эса «Милан» ўз имкониятидан фойдаланди — Закари Атекаме ўнг қанотдан аниқ пас узатди, Рубен Лофтус-Чик бош билан ҳисобни очди.
Иккинчи бўлим бошида «Милан» яна гол урди, аммо Никлас Фюллкруг қўл билан ўйнагани сабабли Адрийен Рабьонинг тўпи бекор қилинди. Орадан кўп ўтмай Фюллкруг пеналти тепди, бироқ зарба омадсиз чиқиб, тўп устунга тегиб майдонни тарк этди.
71-дақиқада «Пиза» ҳисобни тенглаштирди: Стоилкович чап қанотдан узатган тўп учун курашда у Павловичга тегиб йўналишини ўзгартирди ва Фелипе Лойола жарима майдони ичида тўпни ўнг бурчакка жойлаб қўйди. Мезбонлар кейинроқ ҳам хавфли ҳужум уюштирди, аммо Фюллкругнинг бир зарбаси устун ёнидан ўтиб кетди.
Ўйин тақдирини 85-дақиқада Лука Модрич ҳал қилди. Тезкор ҳужумда у Ритччи билан «девор» ўйнаб, жарима майдонида марказга силжиди ва тўпни оёқ ташқи қисми билан ўнг бурчакка аниқ йўллади.
Якунда «Милан» 2:1 ҳисобида ғалаба қозонди. Учрашув охирида Рабьо ҳакамга эътироз билдиргани учун кетма-кет икки сариқ карточка олиб, майдондан четлатилди.
Бу натижадан сўнг «Милан» пешқадамдан 5 очко ортда қолмоқда, «Пиза» эса турнир жадвалида сўнгги ўринларни бўлишиб турибди.
“Zamin”ни Telegram'да ўқинг!
