Европа Чемпионлар лигасининг ярим финал босқичида қитъанинг энг кучли икки жамоаси — «PSJ» ва «Бавария» ўзаро баҳс олиб боради. Биринчи учрашув Париждаги «Парк де Пренс» стадионида бўлиб ўтса, жавоб ўйини Мюнхенда ўтказилади. Бу ҳақда Goal.com хабар беради.
Ушбу жуфтлик ғолиби Будапештда ўтадиган финалда «Арсенал» ёки «Атлетико» жамоаларидан бири билан куч синашади.
«Бавария» таркибида Жамал Муссиала ўзининг энг яхши формасига қайтган ва у жароҳат олган Серж Гнабри ўрнини эгаллаши кутилмоқда. Мюнхенликлар сафида Леннарт Карл, Том Бишоф ва Рафаэл Геррейро каби ротация ўйинчилари ҳам сафдан чиққан.
Шунга қарамай, Альфонсо Дэвис захирадан майдонга тушиб, ўйин темпини ўзгартира оладиган энг хавфли қурол бўлиб қолмоқда.
«PSJ» бош мураббийи Луис Энрике таркибдаги муаммолар ҳал бўлганини маълум қилди. Ашраф Ҳакими, Нуно Мендеш ва Витиня кичик жароҳатлардан сўнг машғулотларга қайтди.
Шунингдек, тиззасидан жароҳат олган Фабиан Руиз ҳам сафга қайтган. Парижликлар захира ўриндиғида Лукас Эрнандес, Уоррен Заире-Эмери ва Брэдли Баркола каби кучли ижрочилар борлиги Энрикега кенг имкониятлар яратади.
Статистик маълумотларга кўра, «Бавария» айни пайтда Европанинг энг самарали жамоаси бўлиб турибди. Мюнхенликлар ҳар бир ўйинда ўртача 2,71 очко жамғармоқда.
Жамоанинг ҳужумкор триоси — Майкл Олисе, Луис Диас ва Ҳарри Кане барча мусобақаларда жами 167 та гол уришга эришди. Кане ёлғиз ўзи 53 та гол билан «Олтин бутса» пойгасида яққол пешқадамлик қилмоқда.
Парижликлар ҳужум чизиғида эса Усмон Дембеле ва Хвича Кварашелиа асосий хавф манбаи ҳисобланади, бироқ уларнинг ҳар бири жорий мавсумда 16 тадан гол урган. Ҳимоя борасида ҳар икки жамоа кўрсаткичлари деярли тенг: «Бавария» 52 та, «PSJ» эса 53 та гол ўтказиб юборган.
Мюнхенликлар Парижга кетма-кет тўққизта ғалаба билан ташриф буюрмоқда.
“Zamin”ни Telegram'да ўқинг!
