Мюнхеннинг "Бавария" клуби келаси ёзги трансфер ойнаси учун ўзининг асосий мақсадларини белгилаб олди. "Нюкасл" ҳужумчиси Энтони Гордон немис гранди учун энг мақбул вариант сифатида кўрилмоқда. Бу ҳақда Goal.com хабар беради.
Аввалроқ мюнхенликлар рўйхатида биринчи ўринда турган Янь Диоманде трансфери жуда қимматга тушиши мумкинлиги сабабли, клуб раҳбарияти эътиборини инглиз футболчисига қаратди.
"Нюкасл" ўз тўпурарини камида 80 миллион евро эвазига қўйиб юборишга тайёр. Клуб молиявий фейр-плей қоидаларига амал қилиш учун маблағ йиғиши зарур бўлиб турибди.
Гордоннинг ўзи ҳам Мюнхенга кўчиб ўтишни фаолиятидаги мантиқий қадам деб ҳисобламоқда ва Майкл Олиснинг янги жамоасига тез мослашиб кетганини кузатиб бормоқда.
"Лейпциг" вакили Янь Диоманде учун эса немис клуби 100 миллион евродан кам бўлмаган маблағ талаб қилмоқда. 19 ёшли ивуарлик иқтидорга "Ливерпуль" ва PSJ каби жамоалар ҳам қизиқиш билдирган.
Бироқ "Ред Булл" раҳбари Оливер Минслафф ёш юлдузни келаси ёзда сотиш нияти йўқлигини ва у жамоада яна бир мавсум қолиши кераклигини таъкидлади.
Энтони Гордоннинг универсаллиги "Бавария" мураббийлар штабини ўзига жалб қилмоқда. У чап қанотда Луис Диасга рақобат туғдириши, Гарри Кейнга ҳужумда кўмаклашиши ёки ўнинчи рақамли позицияда ҳаракат қилиши мумкин.
"Нюкасл"нинг Еврокубокларга йўлланма ололмагани ҳам ушбу трансфер амалга ошиш эҳтимолини оширмоқда.
“Zamin”ни Telegram'да ўқинг!
