Испаниянинг "Барселона" клуби Англия Премьер-лигасида қийин аҳволга тушиб қолган "Тоттенхэм" жамоасининг бир неча етакчи футболчиларига қизиқиш билдирмоқда. Лондон клуби қуйи лигага тушиб кетиш хавфи остида тургани сабабли, каталонияликлар ёзги трансфер ойнасида арзонлаштирилган нархларда харидларни амалга оширишни режалаштирмоқда. Бу ҳақда Goal.com хабар беради.
Каталония клуби скаутлари эътибор марказида беш нафар футболчи турибди. Улар орасида "Ла Масиа" академияси тарбияланувчиси ҳисобланган Хави Симонс ҳам бор.
Ҳозирда лондонликлар сафида тўп сураётган иқтидорли ярим ҳимоячининг ўртага қайтиши клуб раҳбарияти учун устувор вазифалардан бири сифатида кўрилмоқда.
"Тоттенхэм"нинг турнир жадвалидаги оғир ҳолати "Барселона"га молиявий жиҳатдан қулай шароит яратиши мумкин. Агар Лондон жамоаси элитани тарк этса, юлдуз футболчиларнинг трансфер қиймати сезиларли даражада пасаяди.
Бу эса молиявий чекловлар билан курашаётган Испания грандига таркибни кучайтириш учун яхши имконият беради.
Ҳозирча "Барселона" раҳбарияти вазиятни диққат билан кузатиб бормоқда. Трансфер бўйича якуний қарорлар мавсум якунида, "Тоттенхэм"нинг Премьер-лигадаги тақдири аниқ бўлганидан сўнг қабул қилиниши кутилмоқда.
“Zamin”ни Telegram'да ўқинг!
