Дональд Трамп маъмурияти АҚШ Миллий илмий кенгашини (NSB) тарқатиб юборишга қарор қилди. Ушбу маслаҳат органи президент ва Конгрессга Миллий илмий жамғарма (NSF) фаолияти бўйича тавсиялар бериш учун масъул эди. Бу ҳақда Ixbt.com хабар беради.
Миллий илмий кенгаш илмий сиёсатни шакллантириш ва фундаментал тадқиқотларни молиялаштириш стратегияларини белгилашда муҳим рол ўйнаган. Сўнгги йилларда жамғарма маблағ етишмовчилиги ва грантлар ажратишдаги кечикишлар билан боғлиқ муаммоларга дуч келаётган эди.
Вакиллар палатасининг Фан, коинот ва технологиялар қўмитаси аъзоси Зои Лофгрен ушбу қарорни кескин танқид қилди. Унинг сўзларига кўра, кенгаш сиёсатдан холи орган бўлиб, унинг тугатилиши АҚШнинг глобал илмий рақобатдаги позициясини заифлаштиради.
Лофгрен ушбу қадам илмий маслаҳат органини сиёсий содиқ шахслар билан алмаштиришга уриниш бўлиши мумкинлигидан хавотир билдирди. Ҳозирча кенгашнинг тарқатилиши сабаблари бўйича расмий ва батафсил тушунтириш берилмади.
Миллий илмий жамғарма ўн йиллар давомида мобил телефонлар ва рақамли хизматлар каби замонавий технологияларнинг асоси бўлган тадқиқотларни қўллаб-қувватлаб келган эди.
“Zamin”ни Telegram'да ўқинг!
