"Реал Мадрид" клуби афсонаси Тони Кроос фаолиятини якунлаганидан икки йил ўтиб, профессионал футболга қайтиши ҳақидаги миш-мишларни қатъиян рад этди. 36 ёшли собиқ ярим ҳимоячи бу ҳақда 2026 йилги Лауреус Wорлд Спортс Аwардс тақдирлаш маросимида маълум қилди. Бу ҳақда Goal.com хабар беради.
Мадрид клубидаги ҳозирги муҳит ва турли тахминларга қарамай, германиялик юлдуз ўз қарорини ўзгартириш нияти йўқлигини таъкидлади. Унинг сўзларига кўра, катта футболдан кетиш ҳақидаги тўхтам якуний ҳисобланади.
Кроос ўзининг юксак даражадаги ўйинлари билан танилган ва "Қироллик клуби" таркибида кўплаб совринларни қўлга киритган. Унинг майдонга қайтиши ҳақидаги хабарлар мухлислар орасида катта қизиқиш уйғотган эди.
Эслатиб ўтамиз, Тони Кроос фаолияти давомида нафақат клуб даражасида, балки Германия терма жамоаси билан ҳам жаҳон чемпионлигини қўлга киритиб, замонамизнинг энг кучли плеймейкерларидан бири сифатида эътироф этилган.
“Zamin”ни Telegram'да ўқинг!
