Навоийда ўқувчилар иштирокидаги ЙТҲ фожиага айланди
Навоийда ўқувчилар иштирокида содир бўлган йўл-транспорт ҳодисаси фожиали оқибат билан якунланди. 22 апрель куни кечки соат 21:00 атрофида Кармана туманининг Малик маҳалласида мактаб ўқuvчиси бошқарган "Cobalt" автомобил йўлдан чиқиб кетди. Натижада, 9-синф ўқувчиси оғир жароҳатлар олиб, шифохонада вафот этди, 11-синф ўқuvчиси эса турли жараҳатлар билан тиббиёт муассасасига ётқизилди. Тегишли идоралар ҳодиса бўйича тергов ишларини олиб бормоқда.
Навоий вилоятида ўқувчилар иштирокида содир бўлган йўл-транспорт ҳодисаси аянчли оқибат билан якунланди. Бу ҳақда Йўл ҳаракати хавфсизлиги бошқармаси маълум қилди.
Маълумотларга кўра, ҳодиса Кармана туманининг Малик маҳалласи ҳудудида 22 апрель куни кечки соат 21:00 атрофида юз берган. Қайд этилишича, “Cobalt” русумли енгил автомобил рулда бўлган мактаб ўқувчиси томонидан бошқарилган.
Автомобил ичида 22-умумтаълим мактабида таҳсил олувчи икки нафар ўқувчи бўлган. Ҳаракат давомида ҳайдовчи транспорт воситаси устидан назоратни йўқотган ва натижада машина йўлдан чиқиб кетган.
Йўл-транспорт ҳодисаси оқибатида 9-синф ўқувчиси оғир жароҳатлар олиб, шифохонада вафот этган. 11-синф ўқувчиси эса турли даражада тан жароҳатлари билан тиббиёт муассасасига ётқизилган.
Мазкур ҳолат бўйича тегишли идоралар томонидан тергов-суриштирув ишлари олиб борилмоқда. Мутахассислар вояга етмаган шахсларнинг транспорт воситасини бошқариши қандай жиддий хавф-хатарларга олиб келиши мумкинлигини яна бир бор эслатмоқда.
Изоҳлар 0
…