«Барселона» ярим ҳимоячиси Гави тиззасидаги оғир жароҳат ва операциядан сўнг шифокорлар рухсатини олди. Ярим йилдан ортиқ давом этган тикланиш жараёни якунланиб, футболчи «Севилья»га қарши ўйин қайдномасига киритилди. Бу ҳақда Goal.com хабар беради.
Клуб матбуот хизмати 21 ёшли футболчининг умумий гуруҳ машғулотларига тўлиқ қайтганини тасдиқлади. «Ла Масиа» тарбияланувчиси бўлган Гави жамоанинг сўнгги сафар ўйинларида ҳамроҳлик қилиб, жисмоний ҳолатини тиклаб борди.
Бош мураббий Флик учун бу қайтиш айни муддао бўлди. Френки де Йонг жароҳат сабаб сафдан чиққан бир пайтда, Гавининг майдонга тушиши марказий чизиқдаги рақобат ва шижоатни ошириши кутилмоқда.
Клуб шифокорлари футболчини эҳтиёткорлик билан асосий таркибга қайтаришмоқда. Гави якшанба кунги баҳсда захирадан майдонга тушиши ва жамоасига тактик устунлик бериши мумкин.
“Zamin”ни Telegram'да ўқинг! 
