«Ал-Наср» бош мураббийи Жорже Жезуш Криштиану Роналду нега яқинлашиб келаётган учрашувда майдонга тушмаслигини изоҳлади. Бу ҳақда euro-football.ru хабар беради.
Ар-Риёд клуби чоршанба куни ОФК Чемпионлар лигаси доирасида «Аркадаг»га қарши баҳс олиб боради. Португалиялик юлдуз ҳужумчи тез орада сафга қайтиши кутилаётган бўлса-да, бу ўйинда ҳам у таркибда бўлмайди.
Жезушнинг айтишича, жамоа тиғиз тақвим сабаб Роналду ва асосий таркибдаги яна бир қатор футболчиларга дам беришга қарор қилган. Мураббий бу қарорни олдинда «Ал-Фатеҳ»га қарши муҳим учрашув тургани билан изоҳлади.
Al Nassr Zone келтирган иқтибосда Жезуш Роналдуга дам бериш одатий ҳол эканини ҳам таъкидлади: унинг Саудия Арабистонидан ташқарида ўтадиган ўйинларни вақти-вақти билан ўтказиб юбориши биринчи марта эмас.
Саудия чемпионатининг «Ал-Фатеҳ» — «Ал-Наср» учрашуви шанба, 14-февраль куни бўлиб ўтади.
“Zamin”ни Telegram'да ўқинг!
