Уй учрашувида ўйин ташаббуси кўпроқ «РБ Лейпциг» қўлида бўлганига қарамай, «Волфсбург» дарвозага йўллаган икки аниқ зарбасидан ҳам гол чиқариб, мезбонларни жавоб голини излашга мажбур қилди. Бу ҳақда euro-football.ru хабар беради.
Ўйин бошида Конрад Хардер хавфли вазият яратиб, бироз ноаниқ тепди. Орадан кўп ўтмай Кристиан Эриксен узоқ масофадан зарба бериб, тўпни дарвоза устунлари ёнидан ўтказиб юборди. Ҳужумлар алмашинуви давом этди: Ян Диоманднинг зарбасини дарвозабон қайтарди, Хардер эса йиқилган ҳолда «қайчи» услубида урганида ҳам посбон ҳушёрлик кўрсатди.
Иккинчи бўлимда Диоманд яна бир бор дарвозабоннинг реакциясини синади. 52-дақиқада Адам Дагим узатмасидан кейин Мохамед Амура ҳисобни очди — 0:1. 70-дақиқада эса Браян Груда пасини Ян Диоманд голга айлантириб, мувозанатни тиклади — 1:1. Бироқ тез орада Маттиас Сванберг «бўрилар»ни яна олдинга олиб чиқди — 1:2. 88-дақиқада «буқалар» мағлубиятдан қутулиб қолди: Груда аниқ зарба билан ҳисобни 2:2 кўринишига келтирди. Қўшимча дақиқаларда Кристоф Баумгартнер жарима майдонида яхши имкониятдан фойдалана олмади, Ромуло Крузнинг зарбаси ҳам нишонга бормади.
Дуррангдан сўнг «РБ Лейпциг» турнир жадвалида 5-ўринда бормоқда, «Волфсбург» эса 15-поғонада қолмоқда.
“Zamin”ни Telegram'да ўқинг!
