Uy uchrashuvida o'yin tashabbusi ko'proq «RB Leyptsig» qo'lida bo'lganiga qaramay, «Volfsburg» darvozaga yo'llagan ikki aniq zarbasidan ham gol chiqarib, mezbonlarni javob golini izlashga majbur qildi. Bu haqda euro-football.ru xabar beradi.
O'yin boshida Konrad Harder xavfli vaziyat yaratib, biroz noaniq tepdi. Oradan ko'p o'tmay Kristian Eriksen uzoq masofadan zarba berib, to'pni darvoza ustunlari yonidan o'tkazib yubordi. Hujumlar almashinuvi davom etdi: Yan Diomandning zarbasini darvozabon qaytardi, Harder esa yiqilgan holda «qaychi» uslubida urganida ham posbon hushyorlik ko'rsatdi.
Ikkinchi bo'limda Diomand yana bir bor darvozabonning reaksiyasini sinadi. 52-daqiqada Adam Dagim uzatmasidan keyin Mohamed Amura hisobni ochdi — 0:1. 70-daqiqada esa Brayan Gruda pasini Yan Diomand golga aylantirib, muvozanatni tikladi — 1:1. Biroq tez orada Mattias Svanberg «bo'rilar»ni yana oldinga olib chiqdi — 1:2. 88-daqiqada «buqalar» mag'lubiyatdan qutulib qoldi: Gruda aniq zarba bilan hisobni 2:2 ko'rinishiga keltirdi. Qo'shimcha daqiqalarda Kristof Baumgartner jarima maydonida yaxshi imkoniyatdan foydalana olmadi, Romulo Kruzning zarbasi ham nishonga bormadi.
Durrangdan so'ng «RB Leyptsig» turnir jadvalida 5-o'rinda bormoqda, «Volfsburg» esa 15-pog'onada qolmoqda.
“Zamin”ni Telegramʻda oʻqing!
