Дортмунднинг «Боруссия» клуби расмий сайти орқали ёзги трансфер бўйича маълумот берди. «Асаларилар» сафини бразилиялик ҳимоячи Кауан Пратес тўлдиради. Бу ҳақда euro-football.ru хабар беради.
Пратес ёзга қадар «Крузейро» таркибида ўйнашда давом этади, шундан сўнг Дортмундга кўчиб ўтади. Бу ҳафта футболчи тиббий кўрикдан ўтди ва 2031 йил ўрталаригача мўлжалланган шартномага имзо чекди.
Август ойида Кауан Пратес 18 ёшга тўлади. У чап қанот ҳимоячиси сифатида ҳам, марказий ҳимоячи сифатида ҳам майдонга тушиши мумкин.
Айни пайтда «Боруссия» Бундеслигада иккинчи ўринда бормоқда. Жамоа пешқадам «Бавария»дан олти очко ортда қолган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
