Ҳозирда Бразилия терма жамоаси билан ишлаётган машҳур мураббий Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Анчелоттининг айтишича, Роналду у ишлаган футболчилар орасида энг профессионалларидан бири. Мураббий бир воқеани эслаб, португалиялик юлдузнинг: «Жуда кўп сув ўсимликни ўлдиради», деган гапини келтирди. Анчелоттига кўра, футбол катта жисмоний талаб қўяди, бироқ тикланиш ҳам шунчалик муҳим, чунки кўплаб жароҳатлар айнан ортиқча юкламадан келиб чиқади.
41 ёшли Криштиану Роналду ҳозир Саудия Арабистонида «Ал-Наср» сафида тўп сурмоқда. Унинг шартномаси 2027 йилнинг ўрталаригача мўлжалланган. Роналду фаолияти давомида беш марта «Олтин тўп»ни қўлга киритган.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
