Ҳозирда Бразилия терма жамоасини бошқараётган машҳур мураббий Карло Анчелотти Криштиану Роналду ҳақида фикр билдирди. Бу ҳақда euro-football.ru хабар беради.
Анчелоттининг айтишича, Роналду у ишлаган футболчилар орасида энг профессионал ўйинчилардан бири. Мураббий португалиялик юлдуз билан бўлган суҳбатни эслаб, унинг “Жуда кўп сув ўсимликни ўлдиради” деган гапини келтирди. Анчелотти футбол жисмонан катта талаб қўйишини, бироқ тикланиш жараёни ҳам шунчалик муҳимлигини таъкидлади: кўплаб жароҳатлар айнан ортиқча юклама сабаб юзага келади.
41 ёшли Криштиану Роналду ҳозир Саудия Арабистонининг “Ал-Наср” клубида тўп сурмоқда. Унинг шартномаси 2027 йил ўрталаригача мўлжалланган. Роналду фаолияти давомида беш марта “Олтин тўп” совринини қўлга киритган.
“Zamin”ни Telegram'да ўқинг!
