Ҳозир Бразилия терма жамоасида ишлаётган таниқли мутахассис Карло Анчелотти Криштиану Роналду ҳақидаги фикрлари билан ўртоқлашди. Бу ҳақда euro-football.ru хабар беради.
Анчелоттининг айтишича, Роналду у ишлаган энг профессионаллардан бири. Мураббий бир воқеани эслаб, португалиялик юлдузнинг: «Ҳаддан ташқари кўп сув ўсимликни ўлдиради», деган гапини келтирди. Анчелотти футбол катта жисмоний юклама талаб қилишини, бироқ тикланиш жараёни ҳам шунчалик муҳимлигини таъкидлади. Унинг фикрича, кўплаб жароҳатлар айнан ортиқча зўриқишдан келиб чиқади.
41 ёшли Криштиану Роналду ҳозир Саудия Арабистонининг «Ал-Наср» клубида тўп сурмоқда. Унинг шартномаси 2027 йилнинг ўрталаригача мўлжалланган. Роналду фаолияти давомида беш марта «Олтин тўп»ни қўлга киритган.
“Zamin”ни Telegram'да ўқинг!
