Аргентина клуби «Ривер Плейт» бош мураббийи Марсело Гальярдо жамоани тарк этишга қарор қилди. Клуб бу ҳақда расмий баёнотни ўз сайтида эълон қилди. Бу ҳақда euro-football.ru хабар беради.
Мутахассис мамлакат чемпионати доирасида «Банфилд»га қарши 26 февраль куни бўлиб ўтадиган учрашувдан кейин лавозимини топширади. Гальярдонинг ихтиёрий истеъфоси жамоанинг сўнгги натижалари қониқарсиз экани билан изоҳланмоқда: ҳозир «Ривер Плейт» турнир жадвалида 10-ўринда бормоқда.
Гальярдо «Ривер Плейт» билан мураббий сифатида икки бор ишлаган. 2014—2022 йиллар оралиғида у клуб билан 14 та совринни қўлга киритди, жумладан мамлакат чемпионлиги ва Либертадорес кубогида икки марта ғалаба қозонди.
“Zamin”ни Telegram'да ўқинг!
Ctrl
Enter
Хато топдингизми?
Иборани ажратиб Ctrl+Enter тугмасини босинг 
