Италиянинг “Аталанта” клуби Чемпионлар лигасида кейинги босқичга чиққан А Сериясининг ягона вакили бўлди. Бу ҳақда euro-football.ru хабар беради.
Дортмунднинг “Боруссия” жамоасига илк ўйинда 0:2 ҳисобида имкониятни бой берган бергамоликлар жавоб учрашувида кучли камбек намойиш этиб, рақибини 4:1 ҳисобида мағлуб этди.
Учрашувдан сўнг “Милан”нинг собиқ футболчиси Алессандро Костакурта “Аталанта”нинг ўйинини юқори баҳолади. Унинг айтишича, бундай натижани кутмаган бўлса-да, жамоа ақлбовар қилмас даражада кучли ўйин кўрсатиб, Италия футболи элитаси қаторидаги ўрнини яна бир бор исботлаган.
Костакурта ярим ҳимоячи Марио Пашалични ҳам алоҳида мақтади ва бундай даражадаги етакчини у Франко Барези давридан бери кўрмаганини таъкидлади.
Эслатиб ўтамиз, “Аталанта” 2024 йилда Европа лигаси ғолиби бўлган.
“Zamin”ни Telegram'да ўқинг!
