27 апрел учун доллар курси эълон қилинди
Марказий банк 2026 йил 27 апрелдан кучга кирадиган хорижий валюталарнинг янги қийматларини эълон қилди. Унга кўра, АҚШ доллари курси бир неча кунлик пасайишдан сўнг 4,52 сўмга ошиб, 12 020,48 сўмни ташкил этди. Доллар ва иенадан ташқари барча асосий валюталар, жумладан евро, фунт стерлинг ва рубль қийматида пасайиш кузатилди. Мазкур янгиланган курслар банк операциялари ҳамда божхона тўловларини амалга оширишда асос бўлиб хизмат қилади.
Ўзбекистон Республикаси Марказий банки 27 апрел, 2026 йил санасидан бошлаб амал қиладиган хорижий валюталарнинг сўмга нисбатан янги қийматларини белгилади. Унга кўра, АҚШ доллари ва Япон иенасидан ташқари барча асосий хорижий валюталар миллий валютага нисбатан арзонлашди.
АҚШ доллари курси бир неча кунлик пасайишдан сўнг яна кўтарилишни бошлаб, 4,52 сўмга ошди ва 12 020,48 сўмни ташкил этди. Евро курси эса пасайишда давом этиб, 3,13 сўмга арзонлади ва 14 048,33 сўм этиб белгиланди. Британия фунт стерлинги сезиларли даражада, яъни 15,54 сўмга пасайиб, 16 207,21 сўмга тушди.
Шунингдек, Россия рубли 1,53 сўмга арзонлаб, 158,77 сўмни ташкил қилмоқда. Швейцария франки 15 273,80 сўм (-29,26), Хитой юани 1 758,33 сўм (-0,01) ва Япон иенаси 75,25 сўм (+0,03) қийматида қайд этилди. Ушбу янгиланган курслар банк операциялари ва божхона тўловлари учун асос бўлиб хизмат қилади.
Изоҳлар 0
…