Италиянинг «Аталанта» клуби Чемпионлар лигасида кейинги босқичга чиққан А Сериянинг ягона жамоасига айланди. Дастлабки учрашувда Дортмунднинг «Боруссия»сига 0:2 ҳисобида ютқазган бергамоликлар жавоб баҳсида тўлиқ реабилитация қилди ва 4:1 ҳисобида ғалаба қозонди. Бу ҳақда euro-football.ru хабар беради.
Учрашувдан сўнг «Милан»нинг собиқ ҳимоячиси Алессандро Костакурта «Аталанта»нинг ўйинини юқори баҳолади. Унинг таъкидлашича, жамоа кутилмаганда жуда кучли футбол намойиш этиб, Италия футбол элитаси орасидаги ўрнини яна бир бор исботлади.
Костакурта, шунингдек, Марио Пашаличнинг етакчилик фазилатларига алоҳида урғу берди. «Бундай лидерликни мен Франко Барезидан бери кўрмагандим», дея унинг сўзларини pianetamilan.it келтиради.
Эслатиб ўтамиз, «Аталанта» 2024 йилда Европа лигаси ғолиби бўлган.
“Zamin”ни Telegram'да ўқинг!
