ЕЧЛга оид сиз билган ва билмаган қизиқарли фактлар​

Карим Бензема тарихда 34-бўлиб Чемпионлар Лигасида юзлик довонини ошиб ўтди.
Бугун сизлар билан Европа клублари ўртасидаги энг муҳим турнир Чемпионлар Лигасида 100 ва ундан ортиқ ўйин ўтказган футболчилар ҳақида гаплашамиз.

100 – 103 ўйин
34 ўрин. Карим Бензема* («Лион», «Реал») – 100 ўйин
33 ўрин. Андрей Шевченко(«Динамо Киев», «Милан», «Челси») – 100 ўйин
32 ўрин. Оливер Кан («Бавария») – 103 ўйин
31 ўрин. Луиш Фигу(«Барселона», «Реал», «Интер») – 103 ўйин
30 ўрин. Арьен Роббен*(ПСВ, «Челси», «Реал», «Бавария») – 103 ўйин
29 ўрин. Сеск Фабрегас*(«Арсенал», «Барселона», «Челси») – 103 ўйин

Бу «Клубнинг» янги вакили Бензема афсоналар қаторига киришга эришди. Шунингдек, француз Оливер Кан, Андрей Шевченко ва Фигуни ҳам ўйинлар сони бўйича ортда қолдиришига шубҳа йўқ. Аввалроқ Бензема украиналик ҳамкасби Андрей Николаевични голлар сони бўйича ҳам ортда қолдирганди. Эслатиб ўтамиз, Украина терма жамоаси устози ҳисобида 48та аниқ зарба бўлса, Каримда – 53, бу эса мусобақа тарихидаги бешинчи натижа! Кўплаб танқидларга учрайдиган Бенземадан фақат ван Нистелрой (3та гол кўп), Рауль, Месси ва Роналду кўпроқ гол уришга муваффақ бўлган.

105 – 110 ўйин
28 ўрин. Фрэнк Лэмпард («Челси», «Манчестер Сити») – 105 ўйин
27 ўрин. Виктор Вальдес («Барселона») – 106 ўйин
26 ўрин. Дэвид Бекхэм («Манчестер Юнайтед», «Реал», «Милан», ПСЖ) – 107 ўйин
25 ўрин. Дани Алвес* («Севилья», «Барселона», «Ювентус», ПСЖ) – 108 ўйин
24 ўрин. Андреа Пирло(«Интер», «Милан», «Ювентус») – 108 ўйин
23 ўрин. Патрис Эвра («Монако», «Манчестер Юнайтед», «Ювентус») – 108 ўйин
22 ўрин. Эшли Коул («Арсенал», «Челси», «Рома») – 108 ўйин
21 ўрин. Жон Терри («Челси») – 109 ўйин
20 ўрин. Гари Невилл («Манчестер Юнайтед») – 109 ўйин
19 ўрин. Паоло Мальдини («Милан») – 109 ўйин
18 ўрин. Серхио Рамос* («Реал») – 110 ўйин

Бу рўйхатга “адашиб кириб қолган” футболчининг ўзи йўқ. Тан олиш зарур, уларнинг ҳар бири ўз ишининг усталаридир.
Куни кеча, ПСЖга қарши учрашувда асосий таркибда майдонга тушган Серхио Рамос бошқа бир афсонавий ҳимоячи Паоло Мальдинини ортда қолдирди. Паоло ҳисобида 5та Чемпионлар Лигаси бош соврини бўлса, бу мукофот “Реал” сардорида ҳозирча 3та. Аммо Рамосни олдинда ҳали кўплаб ғалабали ўйинлар кутаётгани аниқ.

111 – 120 ўйин
17 ўрин. Петр Чех («Спарта», «Челси», «Арсенал») – 111 ўйин
16 ўрин. Филипп Лам («Штутгарт», «Бавария») – 112 ўйин
15 ўрин. Тьерри Анри («Монако», «Арсенал», «Барселона») – 112 ўйин
14 ўрин. Жанлуижи Буффон* («Парма», «Ювентус») – 114 ўйин
13 ўрин. Карлес Пуйоль («Барселона») – 115 ўйин
12 ўрин. Хаби Алонсо («Реал Сосьедад», «Ливерпуль», «Реал», «Бавария») – 119 ўйин
11 ўрин. Златан Ибрагимович*(«Аякс», «Ювентус», «Интер», «Барселона», «Милан», ПСЖ, «Манчестер Юнайтед») – 120 ўйин
10 ўрин. Роберто Карлос («Реал», «Фенербахче») – 120 ўйин

Уларнинг орасида ушбу мусобақанинг икки энг омадсиз йигитларини кўриш мумкин. Ибрагимович ва Буффон кўп совринлар ютган, ажойиб маҳорат соҳиблари, аммо... Златан Чемпионлар Лигасида 48та гол уришга муваффақ бўлган. Буффон “Ювентус” билан уч марта финалга қадар етиб борган, аммо кубокни боши узра кўтариш насиб қилмаган. “Тоттенхэм”га қарши ўйинда ўзининг бу турнирдаги 115-учрашувини ўтказган Буффон шу мавсум охирида фаолиятини якунлаши, МЮ билан курашни давом эттираётган Ибра эса ёзда Европани тарк этиши кутилмоқда.

122 – 127 ўйин
9 ўрин. Лионель Месси* («Барселона») – 122 ўйин
8 ўрин. Пол Скоулз («Манчестер Юнайтед») – 124 ўйин
7 ўрин. Кларенс Зеедорф («Аякс», «Реал», «Милан») – 125 ўйин
6 ўрин. Андрес Иньеста* («Барселона») – 127 ўйин

Клубини алмаштирмаган 3 йигит ва 3 хил жамоа таркибида ғолиб бўлишга эришган ягона футболчи Кларенс Зеедорф. Мана 15 йилдирки унинг натижасини ҳеч ким такрорлай олмаяпти.

141 – 167 ўйин
5-ўрин. Райан Гиггз («Манчестер Юнайтед») – 141 ўйин
4-ўрин. Рауль Гонсалес («Реал», «Шальке») – 142 ўйин
3-ўрин. Криштиану Роналду* («Манчестер Юнайтед», «Реал») – 148 ўйин
2-ўрин. Хави Эрнандес («Барселона») – 151 ўйин
1-ўрин. Икер Касильяс* («Реал», «Порту») – 167 ўйин

Бир неча йил давомида икки ўртоқ Хави ва Икер биринчи бўлиш учун кураш олиб боришди. Баъзан вазият ва футболчиларнинг ўрни ҳар бир ўйин кунидан кейин ўзгараверди. Аммо кейинроқ Хави Эрнандес Қатарга йўл олди, Касильяс эса жонажон клуби “Реал Мадрид”ни тарк этган бўлсада, “Порту”га бориб қўшилди ва Европа Чемпионлар Лигасида иштирокини давом эттирмоқда. Испанияликларни Криштиану Роналду ортда қолдириши мумкин. Эътиборлиси, Хавини шу мавсумнинг ўзидаёқ – бунинг учун “Реал” ярим финалга қадар етиб борса кифоя. Форвард Чемпионлар Лигаси гвардиячиларининг янги етакчисига айланиши ҳам ҳеч гап эмас. Ахир Икер Касильяс катта эҳтимол билан кейинги мавсумдан ЕЧЛда иштирок этмайди.

— Рўйхатимиздаги 34 футболчидан фақатгина 3 нафари бош совринга эга чиқмаган: Сеск Фабрегас, Златан Ибрагимович ва Жанлуиджи Буффон.

— 34дан 11нафар футболчи мусобақанинг бу мавсумида ҳам иштирок эт(аёт)ган ва плей-офф босқичида ўз натижаларини яхшилаш имконига эга.

— Сизни бу рўйхатда қайси мамлакат вакиллари кўпроқ деган савол қизиқтириши турган гап. 34 футболчи 13 мамлакат вакиллари ҳисобланади. Энг кўпи испанияликлар (9 ўйинчи) ва инглизлар (6 нафар вакил). Уч нафар вакил Франция ва Италиядан, икки нафардан – Германия, Бразилия, Голландия ва Португалиядан.
Юзлик довонидан ўтганлар ичида Аргентина, Чехия, Украина, Уэльс ва Швециядан ҳам футборлчилар мавжуд. 34 футболчи ичида бор йўғи 3 футболчи европалик эмас: бразилияликлар Роберто Карлос ва Дани Алвес, ҳамда аргентиналик Месси.

Бир кам дунё
Алессандро Неста («Лацио», «Милан») – 99 ўйин
Эдвин ван дер Сар («Аякс», «Ювентус», «Манчестер Юнайтед») – 98 ўйин
Гути («Реал») – 97 ўйин
Хавьер Занетти («Интер») – 97 ўйин
Клод Макелеле («Нант», «Реал», «Челси», ПСЖ) – 97 ўйин
Хавьер Маскерано(«Ливерпуль», «Барселона») – 96 ўйин

Юзлик довонини забт этишга яқин бўлганлар
Жерар Пике(«Манчестер Юнайтед», «Барселона») – 95 ўйин
Пепе(«Порту», «Реал», «Бешикташ») – 95 ўйин
Томас Мюллер («Бавария») – 94 ўйин
Мануэль Нойер(«Бавария») – 92 ўйин
Серхио Бускетс(«Барселона») – 91 ўйин

Манба: championat.asia “Замин” янгиликларини “Facebook”да кузатиб боринг