"Манчестер Сити" ҳужумчиси Эрлинг Холанд Мадриднинг "Реал" клубига ўтишни хоҳламоқда. Бу ҳақда журналист Жорж Пикон хабар берди.
Манбаларига кўра, ушбу маълумотни норвегиялик футболчининг яқинлари тасдиқлашган. Холанднинг шартномасида бекор қилиш банди мавжуд, аммо ундаги тўлов миқдори ҳақида маълумот йўқ.
Унинг "Реал"га ўтиш эҳтимолини бразилиялик футболчи Винисиус Жуниорнинг сотилиши кучайтириши мумкин, аммо экспертларнинг таъкидлашича, бундай трансфер Винисиус қолганда ҳам амалга ошиши эҳтимоли бор. Жорий мавсумда 25 ёшли Холанд барча турнирларда 12 ўйинда иштирок этиб, 15 та гол урди ва бир марта голли узатма амалга оширди.
Холанднинг "Манчестер Сити" билан шартномаси 2034 йилгача мўлжалланган. Трансфермаркт портали футболчининг трансфер қийматини 180 миллион еврога баҳоламоқда.
