Qozog'istonning aviakompaniyasi Qazaq Air 7-noyabrdan boshlab Astana va Samarqand o'rtasida to'g'ridan-to'g'ri aviaqatnovlarni yo'lga qo'yadi. Bu haqda O'zbekiston Turizm qo'mitasi ma'lum qildi.
Mazkur yo'nalish harakatni qulaylashtirish, shuningdek, ikki davlat o'rtasidagi turistik, ishbilarmonlik va madaniy aloqalarni rivojlantirishga xizmat qiladi. Parvozlar haftasiga ikki marta – juma va yakshanba kunlari amalga oshiriladi.
Chipta narxi bir tomonga 1,3 million so'mdan (60,6 ming tengeden), ikki tomonga esa 842,8 ming so'mdan (36,9 ming tengeden) boshlanadi. Qazaq Air 2015-yilning oxiridan beri aviatsiya bozorida faoliyat olib boradi.
Kompaniya Qozog'iston ichida va qo'shni davlatlarning chegara hududlariga reyslar amalga oshiradi. Aviakompaniyaning markaziy havo bog'lamasi Astana aeroportida joylashgan.
